马德钟感恩屡遇好拍档 与学霸妻各走各路：但一直同步前行

马德钟受访港台节目《旧日的足迹》，入行28年，马德钟之前当过警察及要员保护组（G4），最难忘是负责保护戴安娜皇妃和查理斯王子。他直言1993年入娱乐圈时的目标是当男主角：「可惜刚入行已经冇得做小鲜肉，喺剧集《创世记》已经做大佬（角色）。依家嘅《我家无难事》我依然系一嚿腊肉，只系肥腻咗少少。」马德钟初入行第一次北上少林寺拍摄古装剧《武尊少林》，当年同剧演员阵容鼎盛，有温兆伦、张兆辉、欧瑞伟、黎姿，还有体操王子李宁。他忆述：「当时辉哥（张兆辉）同瑞伟（欧瑞伟）已经系明星，但系冇架子，好照顾我。最近（我）见到李宁，佢仲记得呢套剧，不过就唔记得我呢个小角色啦！我好记得佢好劲呀，时时都有翻滚嘅动作！」

在众多合作过的艺人前辈当中，马德钟表示刘松仁最令他印象深刻：「佢好犀利，对戏剧嘅处理好有一手，仲提点我哋要注重艺德，即艺人嘅品德，要尊重自己嘅行业，唔好踩自己嘅行业同公司，呢个系一门艺术，我听咗之后好有使命感。另外，汪阿姐（汪明荃）系好演员，守时、做足功夫。同罗嘉良合作，我欣赏佢嘅内心戏。靓靓袁咏仪fit到不得了，我未见过佢NG，无论对白几长都一气呵成。宣萱呢个老拍档更加难得，（为人）好爽朗，我哋两个都系好积极嘅演员，每场（戏）都跑去化妆间换衫，唔会浪费任何时间，所以一定早开工！」

马德钟最为人熟悉，也是他最难忘的电视剧要算2003年的《冲上云霄》。他形容当年参与拍摄时像梦似的，大制作、剧本好，也涉足很多地方；他亦不再只饰演坏人、基佬、舞男等角色。马德钟不忘赞扬剧中演员非常专业：「吴镇宇好劲，佢唔喺为咗自己（喺戏入面）好睇，（睇事物）好宏观、唔自私，系一个好前辈。嗰段期间，佢时时问我有关我初恋嘅感觉……原来，佢其实系为咗丰富自己嘅角色搵灵感，用心同投入嘅程度令我非常佩服！」剧中女主角之一陈慧珊，在马德钟眼中好红但没有架子，还会提点他；他庆幸自己常常遇到好人。对于两人曾因拍剧而传绯闻，他这样说：「当时绯闻满天飞，无办法，嗰阵咁嘅年纪、咁嘅合作、咁嘅感情线、大家睇得投入，有啲咁样情况出现唔出奇。我依家年纪大咗，咁咪少咗罗，依而家等啲年轻演员去讲吓啦。」

谈到家庭，马德钟太太是位哲学博士，也是学霸。两人如何相处？「我哋结婚28年，相处得好好。佢系一个好坚持嘅人，做事一定要做到200分，好投入；我比较轻松，佢可以15个钟头做一件事，我唔得，我要饮吓咖啡，听吓音乐，咁先至会有灵感……我哋点样相处？一齐做运动、一齐去超市、一齐食素、生活情趣唔使刻意去做。其实我哋一直同步，佢行佢嘅路，我行我嘅，一齐向前行，两人未必要做同一样嘢。依家我已经超过50岁，所谓50知天命，我学识『物来则应、事过不留』，过去咗不用留恋，新嘅事物顺应去做已经足够！」