张敬轩跌亲扭伤腰唔行得 多得贵人捽药酒起返身

张敬轩今日凌晨在社交网发文，自爆：「寻日喺仓攞嘢，一失重心踩空向后Dun一Dun，初头起身都仲郁得，返到屋企开始唔行得。」幸得他认识多年的一对老夫妇，四手帮他捽药酒，终于起得返身，故他特别发文感谢：「生命入面能够有佢两位贵人系我嘅福气，夜深人静，特别有所感慨。」、「同场加映案发后痛到吖吖声同痕到GapGap声」的片段。

张继聪、林奕匡、泳儿、周家怡等都留言祝轩仔保重和早日康复。网民原本都替轩仔担心，但听到他的笑声又忍不住笑，留言：「明明好同情你嘅遭遇，点知听你把声，忍唔住笑咗」、「点解佢帮你捏紧你个时啲肉咁有动感，肉腾腾咁，照计你瘦到咁，无乜肉㗎，不过你小心啲啦，老人家」、「男人整亲只大阵你都仲可以笑到咁嘅，小心啲啊」。

张敬轩留言：
#我呢两日其实跌鬼亲
跟手扭伤咗条腰 #定系后腩

我觉得人生当中，有贵人紧要过有钱。萧生萧太由我嚟香港开始就关照我，我哋因为当年喺通利琴行买琴，由萧生送货而结缘。廿年了，佢哋帮我搬屋搬厂搬写字楼，细至搵一个电子零件、车衫车袋车琴套，大至搬録音室/餐厅/演唱会后台/公司办公室，佢哋都帮我处理得妥妥当当。

寻日喺仓攞嘢，一失重心踩空向后Dun一Dun, 初头起身都仲郁得，返到屋企开始唔行得。好彩萧生萧太四手连㩒，按摩膏加跌打酒捽捽钳钳，起得返身。再睇埋医生今晚已经郁得返好多了。

生命入面能够有佢两位贵人系我嘅福气，夜深人静，特别有所感慨。

#同场加映案发后痛到吖吖声同痕到GapGap声