【Juicy叮】《大叔的爱》睇上脑 偕男友人买衫骚HeHe味？

ViuTV电视剧集《大叔的爱》热播，虽然剧集已经大结局，但热潮依然未减，苦了一班港男。有男网民在讨论区大呻，指自己与另一名男友人买衫期间，两人被店员误认为情侣，令他哭笑不得。

港男昨日（26日）在网上讨论区「Discuss」，以「同个fd去买衫 比sales问我地系咪情侣」。港男指，自己本身与女朋友相约购买西装，但女朋友临时事忙。由于他自己急需西装，而一名男性友人刚好约他用膳，两人便一齐前往服装店选购。

港男续指，他在服装店选好款式及量度好尺寸后，店铺职员便要求港男提供联络资料。不过，接下来的事却令港男目瞪口呆。

港男称：「（店员）问完我电话之后，无啦啦望住我个fd，问：『佢系你男朋友呀？』我当堂打咗突，之后就立即否认！结果食饭嗰阵，我fd同我讲话：『下次都系唔陪我去买衫。』」

港男对此大感无奈，直言：「啲人系唔系睇《大叔的爱》睇上脑？两个男人一齐去买衫就系情侣啦？」又提到：「我返到去同我女朋友讲，佢笑到卡卡声　仲话我同我fd好衬。」

文章刊登后引起不少网民热议，不少人都笑言这名港男「口里面说不，身体却很诚实」、「能成为密友大概总带著爱」、「你同你个男仔朋友拍拖啦，飞咗你条女啦」。

不过亦有网民觉得事件中的店员处理不当，直言「得我一个觉得咁样问唔会好冇礼貌吗」、「香港人似乎无咩礼仪文化，公众车厢当自己屋企，客未熟都可以用吹水tone，问嚟做咩」。

资料来源：香港讨论区