新歌《万物有时》反映人生观 郑秀文借MV带出每件事都有好出路

郑秀文(Sammi)近年的歌名都好有意思，某程度上反映了 Sammi 的心态变化，像新歌《万物有时》就与《我们都是这样长大的》如出一辙，但与其説是延续，不如说是一个更深层次的答案。

Sammi 指这首歌早在一年半前已收到 demo，但一直未有合适的歌词，她説：「收到音乐部分之后，一直未搵到可以描述到自己心境嘅歌词，直到收到现时呢份词，个感觉就系『系佢喇！』我觉得呢首歌可以套用于每一个人的生命入面，亦都好似帮《我们都是这样长大的》呢个议题，搵到一个更深层次嘅答案。」Sammi提入有两句歌词特别喜欢，「善万物自有得着时，花开落有沧桑故事。」她提到每个人生命中都会遇到各自嘅困难，一啲沧桑无奈嘅事，「嗰一刻可能觉得好悲伤，唔知点样应付，但随着时间过去，时间会畀一个最好嘅答案你。其实每个人喺生命入面都会遇上一啲无力时刻，希望呢首歌可以畀到大家一个疗愈作用，而唔系普通一首流行曲。」

为表达歌曲的意境，Sammi 和 MV导演庄少荣曾研究很多不同的构想，她说：「我同导演都有相同睇法，想用比较影像化嘅感觉去呈现呢首歌嘅意境，喺 CG 特技帮助之下，呢部分嘅感觉系比较深刻。」Sammi希望MV可以带出生生不息嘅人生状态，并期待万物有时，即每件事都有好嘅生机及好嘅出路，希望可以带出比较正面嘅感觉。