【独家】同古天乐郑嘉颖合作偷师张敬仁想演喜剧发放正能量

2021-03-02 19:30

张敬仁（Kendy）年前成为吴千语和栢天男师妹后，虽然遇上疫情，但依然演出了4套电影，仲有机会跟古天乐、宣萱、郑嘉颖和陈静等前辈合作，令她有机会偷师。事业发展不俗的Kendy，最想疫情消失跟美国家人团聚；而新一年她计划制作多点网上节目，以及想挑战拍喜剧，因疫情下想发放更多正能量。撰文：杜淑霞摄影：梁志明发型：DY@Lotus de Salon 化妆：Circle Chong @Annie G. Chan Makeup 服装：H&M 场地：APM

继去年贺岁电影《家有囍事2020》后，Kendy在疫情下仍连拍3套戏，她也觉得好幸运，「拍咗《G风暴》等紧上，另外一套同郑嘉颖、陈静（DaDa）合作嘅《焚身》，仲有一套开心浪漫爱情片。」讲到在《G风暴》跟古天乐和宣萱演对手戏，她相当难忘，「我做个带住炸弹去炸古生嘅女仔，你知古生嘅气场好劲，我当时都战战兢兢，但系佢都好caring，会帮我check晒啲炸弹放喺边。我要中枪挞落地唔识就力，古生有提醒我，带护膝保护自己。」

至于跟郑嘉颖合作拍《焚身》，Kendy更被迷倒，「郑嘉颖系Cool，但系都有倾偈，但佢对眼好似电眼，望一望会唔记得对白，好似摄一摄咁样。」而同两套戏女主角宣萱和DaDa合作，Kendy也有得着，两人都有跟她分享美食和运动心得，宣萱更对她相当照顾，「佢仲开心share去边度食吉列猪扒好食，我有跟住佢去试，佢好nice咩都会倾，佢都有叫我拍戏时唔好就咁挞落地。当我唔使拍嘅时候，会望住佢哋偷吓师，系好好嘅经验。」

踏入新一年，Kendy最想一家团聚，「妈咪同细佬喺美国（三藩巿），我同爹哋就喺香港，新年都要透过视像食团年饭，大家一年冇见过啦！」工作方面，Kendy想参与多些网上节目，以及挑战拍喜剧，「同一啲制作团队倾偈，想拍一啲女性节目，饮食同扮靓，总之开心share出发放上网。另外，好想将开心正能量带畀大家，呢个真系好重要，今年觉得好重要，带到欢笑畀大家，所以想拍吓喜剧。」