品牌韩国代言人系BTS 姜涛收广告酬劳帮补利是开支
2021-02-02 16:30 
姜涛由出道至今都系吸金王，广告量之多，要写可以写满成版纸，咁当然升格为「我最爱的男歌手」，酬劳当然有所增加，但无阻品牌老细送钱畀佢使，最新有韩国由BTS做代言人的运动品牌邀请咗姜B拍摄新一季广告，更以他的音乐历程做主题。
姜涛表示自己有不足，但会努力做好每一个工作，积极为未来奋斗：「其实今次广告同我都好似，摄影师叫我摆番啲天然呆嘅Pose，再回忆翻入行嗰阵，好多时未了解发生咩事；到发现自己唔系新人喇，要更加有自信去做每一件事，所以去到拍摄后半段佢哋叫我嘅眼神要肯定啲！」
对于由新人升呢做「我最喜爱男歌手」，姜涛坦言要重新适应：「好似就嚟过年，以前我系负责逗利是，𠵱家经理人同我讲，过年开工要派利是畀工作人员，我都觉得怪怪地、未习惯，但系成长过程就系咁，慢慢去学罗，而且身边嘅人真系帮咗我好多，派比大家都系开心嘅。好在过年前接到呢个广告，当做帮补吓啲利是钱！」
另外姜涛拍广告亦不忙为兄弟谋福利：「呢款鞋都有好多只颜色，我就问品牌可唔可以每款都比一对我，我要送晒比身边嘅兄弟，当系新年礼物罗！又或者过年前比晒佢地，过年有新鞋著，衬番个队型出嚟。其实新年都系开工，都唔敢周围去住，如果攞到几日假，想好好休息吓，谂吓有咩音乐灵感，来年从新出发。」
關鍵字
最新回应