【维港会】无理客嫌手脚慢狠闹「一世做商场工」 女职员抹完眼泪继续做

2021-01-19 16:10
女职员被顾客闹到喊,但仍抹乾眼泪继续工作。网图
女职员被顾客闹到喊,但仍抹乾眼泪继续工作。网图

从事服务业经常都要面对无理顾客,有商场职员就在「办公室日报」Facebook专页投稿,指有家长不见了小朋友,年轻女同事正帮忙处理,但有恶客不理解而「发烂渣」,狠闹女同事「一世都只可以做呢啲商场工!」令女同事委屈落泪。

网民表示,自己和另一名年轻女同事在商场顾客服务柜台工作,正常情况应是足够应付,但当日遇到一个顾客不见了银包,女同事又要处理一名不见了小朋友的家长,忙得焦头烂额,令排队的人龙越来越长。

终于解决了两个大难题后,后面的客人就开始「畀面色我哋睇」,其中一个男客人更对女同事发火爆粗:「打份咁简单嘅工都做唔掂,吸下停车场飞,人哋问路就答,呢啲嘢有几难做呀?咁嘅XX工都做到手腾脚震,你点做大事?你一世都只可以做呢啲商场XX工,你读咁多书咪嘥晒啲钱?有冇中五毕业呀你?」虽然后来有其他同事来到向顾客解释情况,但这位男客人继续闹女同事:「你永远做唔到大事㗎我同你讲,我唔想理你头先搞乜鬼,手脚慢就手脚慢,你份工大把时间咋,我等住你吸张停车场飞去见客㗎!迟咗你赔唔起!」

由于声浪颇大,连路过的人都驻足围观。后来男客人终于走了,网民见到女同事默默流泪,但仅仅两三秒,女同事已经即时抹走泪水,「下一个客行埋嚟,小妹妹又再次用友善态度接待,我见到佢双眼通红仍然保持专业态度,除咗佩服,就只能轻轻扫下佢背脊安慰,当中有几唔开心同埋委屈,只有佢自己心里最明白。」

网民表示,年轻的女同事是单亲家庭,妈妈手部劳损暂时无法上班,弟弟读中学,女同事已经是全家的经济支柱,「佢有尝试搵其他工,不过疫情兼年尾绝对唔容易,想跳出去唔系一时三刻嘅事......所以小妹妹同事几委屈都要吞落肚。」网民呼吁多体谅别人,少些指指点点,因为每个人都有自己的难处同故事。

關鍵字

最新回应

關鍵字

相關新聞

热门文章