【维港会】母亲患病为悭钱带饭遭同事笑寒酸 悭家男：我想咁穷㗎？

不少人为了悭钱或健康都会自己带饭。不过有网民在社交网站专页「办公室日报」投稿分享，指有男同事每日带饭，都被「口痕友」嘲笑，指他的饭菜寒酸，终于有一日男同事忍无可忍大骂对方，并道出心酸理由。男同事最终辞职，并直指「唔想喺度打开个饭盒都好似做错事咁。」帖文引起网民热论。

有网民在「办公室日报」fb专页投稿，分享一名年约20多岁的前同事阿昌带饭经历，指对方入职时已经是个朴实、不用名牌，连电话萤幕有裂痕都继续用的悭家男，同事相约聚会时，阿昌都会推却，初时大家都以为阿昌为人比较内向，但后来阿昌坦白称自己家中经济有困难，故希望悭钱减少不必要的开支。

阿昌每日都会自己带饭，怎料就惹来口痕同事取笑他饭盒清淡，没有肉食。楼主亦替阿昌出头，反驳口痕同事指「食清啲有咩问题呀？关你鬼事咩！」，但口痕同事不但未有收口，有次更揶揄阿昌没有交家用，称「你阿妈煮啲咁嘅嘢畀你食嘅，会唔会寒酸咗啲呀。」阿昌闻言即随大声反驳「你讲乜X嘢呀！我屋企煮啲咩关唔X关你事呀！穷唔X得呀！我想咁穷㗎！我阿妈有病呀！佢想有病㗎？」，又扯起对方衣领，非常激动。

惟事后口痕同事未有道歉，更死撑话：「讲下笑之嘛，咁小器，唔玩得！」，其他同事见状都替阿昌感不值，帮口闹口痕同事，连老板亦出现做和事佬。不过阿昌坚持辞职，直言「唔想喺度打开个饭盒都好似做错事咁。」幸好阿昌很快便寻获新工作。

帖文引起不少网民留言，有人对阿昌经历表示同情，「大家如果见到同事咁样，可唔可以唔好笑，请下人地食嘢或者加餸? 蟹柳条卤水蛋都好吖」、「昌妈抱恙都准备饭盒，阿昌个爱心饭盒，其实无价」，亦有不少人批评口痕同事自以为风趣幽默。