【独家】三瓣齐开杀出新血路 张颢霖望疫巿人人有工开

张颢霖（Henry）本来做开巿场推广，开始跟艺人熟识，近年开始搞埋演唱会等娱乐圈工作，但因为疫情好多工作被迫暂停，现在唯有向三条新出路发展，包括开网上娱乐平台「Bee Channel」制作非主流节目邀请艺人演出；其次搵艺人做主持帮商户拍片宣传店铺及生意；第三，搵艺人带货，希望在疫情下搵到商机之馀，制造更多就业机会，就算大家赚少啲，但望人人有工开杀出新血路。撰文：杜淑霞 摄影：李维隆

18年前Henry成立Hong Kong Marketing，第一个客户就是黎明旗下A Music唱片宣传工作，他坦承因而开始跟艺人熟络，「之后系做多咗艺人嘅宣传，13年仲开始做埋演唱会主办，仲有好多娱乐圈生意衍生咗，因好多客顾想搵艺人参与宣传，我哋都可以提供到呢啲服务。」

望制造更多商机


不过社运加上疫情，去年8月开始公司零收入，Henry即时变阵开始发展三条新出路，「有个新平台『Bee Channel』，会开啲有别于主流平台嘅节目，会邀请一啲明星做主持，嚟紧会先开宠物节目。𠵱家网上大家都向呢个方向，搵啲巿场上大家锺意睇嘅节目，譬如计划搞个《一百蚊游香港》，讲一对情侣用一百蚊点样拍拖使钱，另外，仲会开Live做音乐节目，总之会多元化发展。」



另外，Henry又会安排艺人做主持帮商户拍片宣传店铺及生意，以及搵明星带货，希望在疫情下搵到更多商机之馀，制造更多就业机会，「𠵱家全民都直播同埋网购，我哋做啲直播卖货，同啲明星同埋网红合作，我哋咁多年都累积咗好多商家嘅关系，佢哋都要搵途径做生意卖货，呢个系个好方法。仲有就系谂咗个类似广告套餐叫做『全港优质品牌巡礼』，三万八帮客人拍一条3至5分钟嘅短片，呢条短片有个艺人主持同佢倾偈，介绍商铺嘅嘢，推出唔够一个月就有廿几个客，算喺淡巿杀出咗条血路，虽然公司赚嘅钱唔多，但系艺人同制作团队都有啲工可以开吓，又可以帮衬吓啲媒体，大家都好啦！」