星岛日报

【合体做live骚】黑妹送励志歌畀林子博老婆  肥妈为老公不适爆喊

2020-10-12 20:17
因为近阵子老公身体唔舒服,肥妈唱到《凭著爱》歌词感触到爆喊。
因为近阵子老公身体唔舒服,肥妈唱到《凭著爱》歌词感触到爆喊。

2017年11月肥妈跟黑妹姐(李丽霞)曾喺新伊馆举行咗个《黑.妈妈笑住唱》香港演唱会,年多后两人入纸申请再做,原先批咗喺今年二月情人节档期合体,可是受疫情影响,两人早已取消booking,不过,观众一直都好期待。黑妹姐之前应邀喺肥妈youtube频道Easy cook度学煮餸,两人重提合体事,兴之所至话搞个live show,结果昨晚终于「找数」,两人喺乐队伴奏下唱足两个钟头,吸引二万多观众收睇,亦有观众课金点唱。肥妈尽显巨肺本色嚟演绎,黑妹姐虽然肺癌做过手术,但唱歌不受影响,反而戒烟后,仲显靓声。

当晚两人演绎观众点唱嘅经典金曲《故乡的雨》、《蔓珠莎华》、《梦想号黄包车》、《万水千山纵横》、《Monica》、《冰山大火》等,当肥妈唱到苏苪的《凭著爱》尾段时被歌词感动得爆喊,肥妈说:「因为屋企有人唔舒服会牵肠挂肚。不过,好多人锡我老公,屋企人又好团结,所以系开心眼泪,人嘅一生起起跌跌都系磨练,我哋一定要正能量,坚持撑落去,我老公一定得。」

原来患有肺癌嘅Rick因为腰骨有啲唔舒服去检查,照到脑部有微细粒粒压住神经线,医生惊塞住血管有机会脑充血,所以Rick两周电咗个脑10次,电疗后突然成个人down晒见晕,肥妈话老公好人好姐真系接受唔到,所以𠵱家她夜晚唔敢瞓照顾住老公,搞到面上长了压力疮。至于黑妹姐演绎励志歌《总有你鼓励》畀肥妈老公Rick及林子博老婆董燕君(Shirley),希望两人早日康复。

因为近阵子老公身体唔舒服,肥妈唱到《凭著爱》歌词感触到爆喊。
因为近阵子老公身体唔舒服,肥妈唱到《凭著爱》歌词感触到爆喊。
肥妈、黑妹姐喺《黑.妈妈笑住唱》live show中演绎唔少经典金曲。
肥妈、黑妹姐喺《黑.妈妈笑住唱》live show中演绎唔少经典金曲。

肥妈为咗照顾老公,呢排压力好大,但都坚持开live煮餸嚟减压。
肥妈为咗照顾老公,呢排压力好大,但都坚持开live煮餸嚟减压。
黑妹姐演绎励志歌《总有你鼓励》送畀肥妈老公及林子博老婆董燕君。
黑妹姐演绎励志歌《总有你鼓励》送畀肥妈老公及林子博老婆董燕君。

肥妈、黑妹姐2017年11月喺新伊馆曾举行《黑.妈妈笑住唱》香港演唱会,之后仲拍住黎耀祥及阮兆祥走埠。
肥妈、黑妹姐2017年11月喺新伊馆曾举行《黑.妈妈笑住唱》香港演唱会,之后仲拍住黎耀祥及阮兆祥走埠。
黑妹姐之前应邀喺肥妈youtube频道Easy cook度学煮餸,「速」成合体演出事。
黑妹姐之前应邀喺肥妈youtube频道Easy cook度学煮餸,「速」成合体演出事。
曾患肺癌嘅黑妹姐,术后依然唱得咁好。
曾患肺癌嘅黑妹姐,术后依然唱得咁好。

最新回应

關鍵字

相關新聞

热门文章