带病开工巧遇发哥 蒋家旻即刻成个人醒晒

国际巨星周润发（发哥）出名热爱行山，不少行山友经常「野生捕获」发哥，他亦乐于跟大家selfie，成了行山界的吉祥物。


不过要「野生捕获」发哥同撞鬼一样都好讲缘份，蒋家旻今日在社交平台分享《换命真相》剧组与发哥的合照，表示昨日喺中环拍外景前，一直有偏头痛，唔想靠药物止痛，唯有痛住开工，加上皮肤敏感，令佢非常唔舒服。幸好拍摄地点附近有皮肤科医生诊所，喺休息时间就去咗睇医生，期间巧遇发哥，原本又头痛又皮肤敏感嘅佢，头痛冇晒，成个人都精神晒，新嘅一样。

蒋家旻见到发哥真系好惊喜，睇吓佢喺社交平台点写，「超幸运！唔洗(使)行山都见到发哥！发哥呀！今次仲唔到我集邮！？成个人呆咗 兴奋 心跳加速 成身热咗 红都面晒！就系咁 头痛短时间停咗！成个人突然醒咗！今日既通告系值得架！感恩感恩，多谢发哥！」最后仲hashtag「发哥可唔可以返嚟帮我医头痛」