【限定台北导游】行完夜市再去书店 姜涛一条友四围游

姜涛7月中出发到台湾拍剧半年，相信一众「姜糖」一定心挂挂，希望姜B尽快返香港。已开始在台拍摄剧集《超感应学园》的他，除了努力工作，空闲时间亦不忘在IG更新近况，昨晚他就上载多个story，独自闯荡台北街头游食店！

姜B虽然自己一个人逛街，不过都唔会待薄自己，先买车轮饼(即红豆饼)边行边食。佢都好识自己搵乐趣，既然无人一齐食晚饭，一于周围睇嘢食。姜涛经过一间港式茶餐厅，影住上面的咖喱及黯然销魂饭海报，似乎好挂住香港。之后再走入夜市影摊档，最搞笑是稍早已吃过一个车轮饼的他，竟然返转头再encore，更打孖上食多两个，全程姜B系咁影啲食店招牌，以行动话畀「姜糖」知，台北街头真系好多好嘢食呀。

食饱之后姜涛走入书店，推介《被讨厌的勇气》给各位「姜糖」，做咗一阵文青之后睇嚟有少少心得。最后加上一段自拍片畀姜糖解下思念之情，完美结束一晚的行程。