星岛日报

【独家】两公婆陪囡囡公园踩单车 梁咏琪甜拖老公劲温馨

2020-09-10 01:10
虽然身处公园,但一家三口唔敢松懈继续戴口罩,Gigi拖实老公囡囡就喺旁边踩住单车,感觉好治愈。
虽然身处公园,但一家三口唔敢松懈继续戴口罩,Gigi拖实老公囡囡就喺旁边踩住单车,感觉好治愈。

继「歌神」许冠杰、郭富城及陈奕迅分别开网上Show为港人打气及为业界筹款后,上周梁咏琪(Gigi)亦为建筑工友义唱筹款纾困。喺筹款Show上,Gigi笑言虽然目前唔可以去旅行,但「踏上草地已经好开心。」靓妈冇吹水,记者经常见到Gigi一家三口喺数码港公园玩,唔使钱又可以呼吸新鲜空气,更可以畀5岁半嘅囡囡Sofía放吓电,一举几得。话口未完,日前《头条日报》记者又见到呢个靓人混血家庭出现喺数码港,今次系陪囡囡踩单车,日落前离开,行返上车前,Gigi突然挨实老公再伸手摄落老公只手,一秒拖实好Sweet呀。采访︰谭壹致

虽然身处公园,但一家三口唔敢松懈继续戴口罩,Gigi拖实老公囡囡就喺旁边踩住单车,感觉好治愈。
虽然身处公园,但一家三口唔敢松懈继续戴口罩,Gigi拖实老公囡囡就喺旁边踩住单车,感觉好治愈。
GiGi一去到公园就同囡囡玩奔走热吓身。
GiGi一去到公园就同囡囡玩奔走热吓身。

梁咏琪点解会举行打气音乐会为建造业工友筹款?全因Gigi睇新闻见到工友就算疫情严峻仍坚守岗位如常工作,又因「禁堂食令」而被迫喺街食饭,Gigi看在眼里觉得好难过,所以就希望为工友出一分力,真系好人一生平安。

Sofía真系好得意
  日前下昼3点,好锺意踏草地嘅GiGi同老公及囡囡戴晒口罩又去咗数码港公园玩,今次玩咩?两母女玩跑步掂树,玩法系向住树跑,跑几步然后掂吓棵树就完成,唔好笑,咁去公园梗系郁吓啦!之后两公婆就陪囡囡踩单车,踩咗一阵就冇踩,小妹妹好黐妈妈,人哋啲小朋友放电会周围走,Sofía就玩奔向妈妈再紧紧揽实,画面好Sweet,接近傍晚够钟走人,囡囡踩住单车走,Gigi就主动贴近老公再拖实慢慢行上车,好温馨呀!

奔走游戏好简单,就系两母女各自跑再掂吓棵树。
奔走游戏好简单,就系两母女各自跑再掂吓棵树。
Sofía好黐妈妈,去公园玩都冇周围走。
Sofía好黐妈妈,去公园玩都冇周围走。

Sofía仲要奔向妈妈揽到实,Gigi个心应该甜到起胶。
Sofía仲要奔向妈妈揽到实,Gigi个心应该甜到起胶。
Sofía踩到攰,爸爸帮手拖住架单车。
Sofía踩到攰,爸爸帮手拖住架单车。
日前GiGi举行《抗疫关爱行动:梁咏琪打打气音乐会》为建造业工友筹款。
日前GiGi举行《抗疫关爱行动:梁咏琪打打气音乐会》为建造业工友筹款。
11年,GiGi跟相识半年的Sergio Crespo Gutes闪婚,婚后第4年诞下女儿Sofia。
11年,GiGi跟相识半年的Sergio Crespo Gutes闪婚,婚后第4年诞下女儿Sofia。

最新回应

關鍵字

相關新聞

热门文章