【独家】确诊影响到身边人冇内疚 邓达智强调系社区爆发问题

62岁时装设计师邓达智（William）上周初步确诊新冠肺炎，喺潜伏期内跟他有密切接触嘅陈梓欣(Clemen)医生、家佣印尼姐姐及两位朋友都要入住骏洋邨隔离，William强调：「今次染病唔系我嘅问题，系关乎成个社区爆发，我已经好小心，一有病徵即搵医生，冇周围播毒，所以唔存在有歉意。」采访：方骞平

等咗4日3夜至周二晚上十时，确诊了的邓达智终被安排入联合医院，但入院后，被安排与「自私」病患者同房，搞到他要求救：「帮我、救我⋯⋯；联合医院 13楼B 19床 林先生，不断咳嗽，兼经常不戴口罩，已投诉过，却执行不力，不戴口罩依然故我。20号床的我，同时发烧、发冷，非常辛苦！」邓达智原本入院时病徵轻微，只有头痛和少许声沙，但现在病况严重了之馀，从相中所见，皮肤也出了问题，他留言指脚的皮肤颜色也起了变化，「红红白白，变晒色！」

等四日入院冇埋怨
因为今次确诊影响到身边人，问他会否感到抱歉？William理直气壮说唔会：「因为唔系我曳，搞到有病嘛！呢个系社区爆发，系成个社会嘅事，点解第三波爆发得咁紧要？可惜政府从来冇了解过乜事罗！咁讲真，政府都唔想嘅，大家都有抗疫疲劳，6月尾时疫情缓和，大家紧张咗成半年，有咁嘅机遇边个唔会松懈？都唔可以怪人，但中间发生乜事要调查吓。所以就算我等咗4日入唔到医院都唔会埋怨任何人，我知道我情况ok可以等罗，留返畀更严重、更加需要牀位嘅老人家。」

经此一役，问到可有增进和伴侣间感情？他笑说：「要过咗个困难，先知道系一个乜嘢嘅考验。我有天各一方嘅感觉；但陈医生对惯病人生与死，佢好理性，觉得有啲嘢要发生，咪按住程序去做好佢，希望将伤害减到最低，唔使用感性嘢嚟解释，唔会嘘寒问暖。」