星岛日报

【有话说】IG直播解读「食盐抗炎」  施匡翘被网民攻击自爆曾伤心流泪

2020-07-30 11:00
因为一包食盐惹来网民负评,施匡翘受评击变咗惨惨猪,直播时有话要说。
因为一包食盐惹来网民负评,施匡翘受评击变咗惨惨猪,直播时有话要说。

现年24岁嘅女歌手施匡翘(zaina)确诊新冠肺炎,住院期间状况良好,一直没有任何病徵,目前已被安排迁往入住渡假屋形式嘅隔离营,昨晚她更喺独立房间内做直播,除咗报平安及感谢一班医护人员伟大奉献,喺室外热辣辣冇冷气工作间为病人提供护理及服务外,更分享确诊的感受及面对新冠肺炎心得,同时亦为一众病人打气,分享正能量鼓励他们:You Are Not Alone!

 

对于有网上讨论区疯传,指施匡翘于留院期间要求医院在其膳食中加盐,惹来争论及负评,她亦有提及此事,澄清道:「关于食盐个post,我觉得太搞笑啦!呢10几日经历咗太多波折,由确诊开始好旁徨,呢个经历好特别,都有少少睇化咗,当然畀我拣,我唔想经历呢啲事,冇人想用唔舒服去被人关注,有晚我忍唔住喊咗出嚟,反问点解会咁样?点解会发生呢啲事?仲有,啲报道点解会咁?一个人唔舒服经已好sad,仲要咁做。我知有好多人喺网上批评同埋攻击我,最初完全接受唔到,反问点解佢哋会咁讲?而且唔系事实真相,但𠵱家已接受,公众人物要承受,同埋我冇再上网回应佢哋,因为我根本冇做过,相信你嘅人一定会信你...就算系感冒,连医生都建议用盐水嚟漱口,呢样唔系乜特别嘢。其实开Live最直接,可以直接问到我有关肺炎资讯,我亦藉此提醒大家要小心,有啲嘢预计唔到会中咗,好似我咁由一开始到𠵱家都系冇病徵,真系好可怕,所以大家唔好以为唔关自己事,系要认真对待。」




 

因为一包食盐惹来网民负评,施匡翘受评击变咗惨惨猪,直播时有话要说。
因为一包食盐惹来网民负评,施匡翘受评击变咗惨惨猪,直播时有话要说。
由于与世「隔绝」太耐,施匡翘做直播时相当激动,手部动作多多,不时触及口罩。
由于与世「隔绝」太耐,施匡翘做直播时相当激动,手部动作多多,不时触及口罩。

接获确诊通知情景毕生难忘

她又忆述当日知道经理人确诊后去做检测,换上照肺袍等结果,坐足5小时后接到医生来电问:「你身体有冇唔舒服?讲过唔好消息你知,你系中咗!会安排你入院!」她形容当时难以置信,不断反问:「点解会咁!」相当旁徨。呢幕真系毕生难忘,亦启发她体会到人生无常,要珍惜身边人。至于康复后工作安排,一切交由经理人处理,完全系未知:「尽力做好自己,冇嘢可以控制到!」

 

激动掩面:好挂住呢个世界!

由于隔离营没有电视,施匡翘睇书解闷,因为网络问题,噚日朋友给她数据卡上网,她上到网做直播表现激动,不时隔住口罩用手掩嘴,又用手捽眉毛及眼线澄清住院期间冇化妆,不过却强调房内没有其他病人,本可以除口罩,却不想畀人乱讲再惹来争议,最惨会有人相信。她又兴奋跟粉丝及网民打招呼说:「我好挂住所有嘢呀!我都好挂住呢个世界!因为实在发生太多事,完全系唔知点样去面对,有太多朋友关心我𠵱家点样,所以我想畀人知我冇嘢,我觉得我好健康。」她又展示隔离营环境,内有单人牀、牀头柜、冷气、长期密封窗户,又表示膳食比喺医院好,仲有纸包饮品及香蕉提供,因为没有同房病人,她还可以做吓运动及唱吓歌。营入面一日食足3餐,冇嘢做到日日等食饭!

她分享假屋形式嘅隔离营环境,包括有冷气及不能打开的窗户。
她分享假屋形式嘅隔离营环境,包括有冷气及不能打开的窗户。

最新回应

關鍵字

相關新聞

热门文章