【耍花枪】疫情下玩煮饭仔晒厨艺 JW被男友泼冷水发烂渣：以后唔煮畀你食

2020-07-23 12:30

新冠肺炎继续肆虐本港，第3波疫情大爆发，本地确诊数字录得逾百宗，政府呼吁市民尽量留喺屋企减少出外传播风险。王灏儿 (JW)都算听话，疫情下冇周围去，尽量留喺屋企同12亿化妆店太子爷男友叶韦彤（Tarzan）煮吓饭仔，都别有一番情趣嘅。昨晚JW喺IG出Post，好满足感show自家炮制嘅粉丝蒸蛏子，写道：「留在家中，又系时候train我嘅cooking skills!!! Hahaha我整嘅粉丝蒸蛏子，成功！」

其实呢味餸冇乜难度，所以睇落都算见得吓人，惟一系冇汁铺面，睇落乾身咗啲罗。正当JW兴致勃勃Show厨艺，唔少朋友及网民都赞好时，男友Tarzan竟然留言泼冷水说：「火你都未识开！」被「辣㷫」JW马上开火说：「以后唔煮畀你食！」Tarzan即被打沉，唔敢再驳嘴，两人公开耍花枪，十分搞笑。