星岛日报

【台湾隔离】开live唔讲嘢晒chok样  花姐寸姜涛:隔离几日连嘢都唔识讲?

2020-07-20 11:00
靓仔姜涛chok住喺房开live,但全程冇讲嘢,被花姐及队友取笑。
靓仔姜涛chok住喺房开live,但全程冇讲嘢,被花姐及队友取笑。

新冠肺炎肆虐,人气王姜涛及MIRROR成员Stanley(邱士缙)上周四(16日)出发去咗台湾拍偶像剧,两人抵台后,喺酒店分开自我隔离14天后才正式入剧组。闷爆嘅姜涛日前无聊影吓酒店房间张双人大床,须根等,虽然咁样都可以畀姜糖「顶」住先,但大部份姜糖都想睇多啲,唔系几肯收货!而且冇见几日姜B,姜糖真系人都癫。

 

昨晚day 4姜涛终于现身,并玩突然开live,15分钟直播中,戴住黑色口罩,着住黑色卫衣嘅姜涛开住音乐,坐喺书枱前睇剧本做功课,但仍然不忘拨头发,chok住对镜头,睇fans回应等,最后他还应粉丝要求,影吓住紧间房系点,又送上一双笑眼及拜拜手势,就算冇出过一句声,仍然2000多人睇他唔讲嘢直播。

 

唔少Fans留言话姜涛就算唔出声,但望住个镜头都似女友视觉咁喎,所以就算唔出声都好鬼正,无声胜有声,亦有指可以静静地陪伴你好幸福,miss you等。最搞笑系经理人花姐及MIRROR队友留言寸爆他,花姐说:「老姜,你闷死未?隔离几日,连嘢都唔识讲?」Edan指他扮文青:「乜隔离唔讲得嘢㗎咩?」花姐忍唔住插口说:「Edan…你都要去隔离...学习静啲。」Anson就叫他:「please say something.」队友同花姐你一句我一句唱和,完全冇欣赏过姜涛嘅chok样呢!

靓仔姜涛chok住喺房开live,但全程冇讲嘢,被花姐及队友取笑。
靓仔姜涛chok住喺房开live,但全程冇讲嘢,被花姐及队友取笑。
靓仔姜涛唔见几日,姜糖好挂住呀,唯有睇住靓相先啦!
靓仔姜涛唔见几日,姜糖好挂住呀,唯有睇住靓相先啦!

日前姜涛经已无聊到影吓自己须根,但就唔见真身。
日前姜涛经已无聊到影吓自己须根,但就唔见真身。
姜涛影埋酒店房系点,只见一张双人床及衣柜,房间唔算大,只系够用。
姜涛影埋酒店房系点,只见一张双人床及衣柜,房间唔算大,只系够用。

姜涛喺赴台飞机上祈祷,愿一切顺利。
姜涛喺赴台飞机上祈祷,愿一切顺利。
姜涛及MIRROR成员Stanley上周赴台准备拍偶像剧。
姜涛及MIRROR成员Stanley上周赴台准备拍偶像剧。
花姐好锡姜涛,虽然成日闹,但一切在心中。
花姐好锡姜涛,虽然成日闹,但一切在心中。

最新回应

關鍵字

相關新聞

热门文章