【独家】68岁真系好惊中招 拉姑继续戴孖罩出街

新冠肺炎在外地有第二波疫情，但香港就日渐缓和。年初曾影到狄波拉戴孖罩出街，当时佢话因为自己成日讲嘢，口罩会郁，所以打孖上安全啲，但经记者讲解戴孖罩更危险时即恍然大悟。不过，知唔代表会做，日前见到拉姑又戴两个口罩行超市，老人家真系话唔听㗎喎。采访:梁志明、李维隆

全球新冠肺炎确诊人数已经超过1,000万，死亡人数逾50万。美国同内地都有第二波，好彩香港未有事。不过，老人家属肺炎高危，系要小心嘅，但小心都要听专家讲罗。

拉姑好眼睛
日前晚上，着住花花外套及戴住花花头带嘅拉姑同两女一男去铜锣湾超市买嘢食，有乳酪、日本白本菇及香草，当日拉姑好忙，拣嘢食又要覆短讯，望多两眼发现拉姑又戴咗两个口罩，行咗一阵买咗啲嘢发现记者就拿拿临同朋友一齐畀钱再等车离开。隔咗几日又见到拉姑，今次喺置地，佢同老公喺餐厅食晚餐，眼利嘅佢瞄到记者唔多高兴即同老公调位，快食半个钟就离开，今次戴一个口罩嘅拉姑搭扶手电梯时手指指记者，咩事咁嬲呀拉姑?