【煞科啦】休息一段时间享受家庭乐岑丽香唔排除随时再生仔

2020-06-25 11:31

无綫新剧《BB大晒》昨晚台前幕后举行煞科宴，演员马国明、岑丽香、商天娥、龚慈恩、陈自瑶及吴业坤等都有出席。戏内戏外都是男主角马国明，马明约8时30分匆匆离开，未有时间接受访问，留下香香支撑大局。

岑丽香透露全剧已煞科，而她昨日一如既往早上6时起床，全程投入照顾儿子Jacob。香香笑说：「之前都会照顾嘅，不过另一半会多啲亦都多啲人帮手。」谈到可有庆祝父亲节，她笑笑说：「有啊！当日收工都赶得切食饭。丈夫（强强）系一个Super Dad嚟，佢做到自己嘅嘢，又畀到好多时间小朋友，其实我都好感激佢，系我嘅荣幸。」之后香香会休息一段时间享受家庭乐。

提到好姊妹李亚男日前宣布再度怀孕，问到可有冲动追第二胎？她笑说：「顺其自然啦，将来都想嘅。如果囝囝戒咗片先嚟，我同老公都会觉得舒服啲。有计划，但唔想畀大家压力。」

谈到跟马国明合作同样开心又顺利，她笑说：「好开心呀！最开心系同成班人合作都好开心，好爆笑。虽然夏天拍嘢真系辛苦，亦开心可以咁快煞科但真系有唔舍得。」对于马明跟汤洛雯恋情曝光，问两人公开恋情前她可有察觉到端倪？她笑说：「留返畀佢讲啦，人地嘅事唔多讲。但都觉嘅，哈哈，但当然唔问啦！我觉得人地开心事，等人地去宣布，想分享就分享，唔想分享就自己享受罗。不过拍拖系应该嘅，所以我好戥佢开心！」