台风天带仔女去沙滩玩　吴日言林芊妤斗晒D Cup喷血身材

两位索妈林芊妤（Coffee）和吴日言（Yan）昨日无惧3号风球，一朝早带埋宝贝仔女「翟伯伯」翟德彦及「Bea」林禧茹（Beatrice）去沙滩晒太阳玩沙，二人更于社交网大晒母子水着照，Yan留言：「呢两个妈咪，3号风球带BB去游水。#妈咪坏坏 #千祈唔好学 #眨吓眼就咁大个 #几时生第二个 #又话掂下就有 #掂极都冇」相中，Coffee以三点式上阵大骚「至强Body」就睇得多，但Yan着超Deep V一件头晒34D「八字波」就非常难得，身材Fit爆的两人可谓抢晒B仔B女嘅Fo，不少网民都留言大赞：「生完都咁索」、「两个都好fit」、「Hot mama... you made others jealous」，而同样出名好身材的33C孙慧雪也留言：「下次亲子日预埋我呀。」相信一班粉丝都好期待3位索妈晒Body嘅画面。