【头条独家】大赞曾乐彤第一次填词好掂洪嘉豪戴口罩戴到冇晒心机

2020-06-11 18:00

华纳歌手洪嘉豪(Kaho)最近推出的新歌《自问自答》由曾乐彤处女填词，主题讲每个人于唔同阶段，面对爱情、人生及性格上嘅内心挣扎，他大赞曾乐彤做到嘢，歌词完全表达到他想讲嘅意思，好掂！采访：方骞平

洪嘉豪跟曾乐彤属同期出道嘅新人，Kaho透露「大家倾偈时，佢对歌词有研究，对文字又好敏感，会同我分享佢填嘅歌词，所以灵机一触，邀请佢帮我demo写吓词，当系一齐练习，其实佢写咗几首，呢首系其中一首，觉得好啱就促成咗今次嘅合作。」

好想快啲除罩
新歌《自问自答》构思来自洪嘉豪的某一夜情感，当晚佢有啲唔开心，写歌画面系一个人瑟缩角落，思想上同自己搏斗：「曾乐彤就将我呢个画面用嚟发挥，虽然交嚟嘅歌词都有少少修改，但都好OK，我同佢都老友，佢唔会嫌我烦，反而对第一份填词作品好紧张，仲紧过自己出歌，因为佢想喺呢方面发展，我要安慰佢放松啲！」问到对方将第一次填词交畀佢，佢笑言只系写词啫，「咁啱我抢先一步出歌，多谢晒呢个朋友。」不过，他却没有八卦曾乐彤跟游学修嘅感情事，他笑说：「就算佢单身，我都唔会追求佢，因为两人如同兄弟相处。」

虽然疫情缓和，但呢个时候出歌多少有些影响：「希望疫情快啲完结，疫情下最困扰反而系戴口罩，因为日日戴住令人好冇心机，成个城市死气沉沉，希望大家除低口罩可以笑面迎人，尤其天气愈嚟愈热，好辛苦。」