星岛日报

获Do姐点灯大合照企隔离   黄庭锋:好想同佢做节目

2020-06-11 11:30
大合照时黄庭锋企正Do姐隔离。
大合照时黄庭锋企正Do姐隔离。

32岁,懂得四种语言嘅黄庭锋(Telford)深受TVB力捧,除咗同谭玉瑛等主持新一辑《香港原味道》外,上周仲拍住女神冯盈盈喺《万众同心公益金》度帮手做菜。稍后演出新剧《飞虎之雷霆极战》。

 

昨日黄庭锋又有新尝试,今次应邀参与《Do姐有问题》,跟女子组合Super Girls(SG)成员Jessica(蔡明思)、Aka (赵慧珊)、孔德贤玩游戏。Do姐向来对「小鲜肉」都心心眼,而大合照中,庭锋企正Do姐隔离,连好拍档农夫都弹到最开,对此,庭锋笑言唔系受宠:「纯料工作人员安排企位,其实我唔系第一次同Do姐合作,之前曾经接受过佢主持嘅电台节目访问,只系今次玩游戏,Do姐超级公平公正。佢系我其中一个偶像,不论主持及演出都好犀利,相当有感染力,而且仲系与时并进,好努力嘅艺人,值得后辈学习。见到Do姐,我唔会用惊去形容,反而系好想同佢做节目。」

 

年前庭锋夺得总值过百万嘅台庆压轴大奖,问到今次能否争取到可观现金奖?他就卖个关子,笑说:「我同孔德贤一组,今次拍摄峰回路转,经历咗高山低谷,虽然之前都有做定功课,尤其重温Do姐经典剧集,但现场好考眼明手快,辨声能力,好彩有陆永帮手做逻辑推理,帮到我哋好多,觉得今日好好玩,Do姐同农夫合作无间,令到个气氛超正,其实赢唔赢到现金奖系其次,我反而好享受过程。」

 

大合照时黄庭锋企正Do姐隔离。
大合照时黄庭锋企正Do姐隔离。
之前庭锋接受过Do姐主持电台节目《口水多过浪花》访问。
之前庭锋接受过Do姐主持电台节目《口水多过浪花》访问。

黄庭锋形容新一辑《Do姐有问题》游戏好刺激同好玩。
黄庭锋形容新一辑《Do姐有问题》游戏好刺激同好玩。
庭锋喺《香港原味道》获谭玉瑛赞赏。
庭锋喺《香港原味道》获谭玉瑛赞赏。

庭锋喺《香港原味道》中要耕田。
庭锋喺《香港原味道》中要耕田。
庭锋曾经好好运夺走台庆过百万大奖。
庭锋曾经好好运夺走台庆过百万大奖。
上周仲拍住女神冯盈盈喺《万众同心公益金》度帮手拌匀白饭及泡菜。
上周仲拍住女神冯盈盈喺《万众同心公益金》度帮手拌匀白饭及泡菜。

最新回应

關鍵字

相關新聞

热门文章