星岛日报

【咩系不妙?】父子被蟾蜍吓到弹起 杜德伟夜晚拖囝囝去「探险」

2020-05-30 11:00
杜德伟一家三口入了长洲露营。
杜德伟一家三口入了长洲露营。

杜德伟(Alex)近日带太太李晓冰(Ice)和3岁儿子Alex Junior(AJ)入长洲露营,此趟一家三口仲选择住蒙古包,AJ甫见到张牀已经兴奋到扎扎跳!Ice昨晚再于囝囝的Instagram分享营中点滴,原来一班小朋友夜晚拎住盏灯仔去「探险」,其中一段片中,看到Alex拖住囝囝与其他小朋友一齐踎地研究蟾蜍,他耐心向大家讲解:「佢同地下啲色系一样,佢而家玩迷彩呀,佢当你哋唔知佢系青蛙(蟾蜍),以为佢系石头,佢心谂呢次不妙喇。」语毕其中一位妹猪问:「咩叫不妙呀?」Alex就回答:「即系大件事喇,畀人捉咗!」对话爆笑,结果讲完冇耐只蟾蜍忽然跳走,吓到众人弹起身!

杜德伟一家三口入了长洲露营。
杜德伟一家三口入了长洲露营。
杜德伟晚上带小朋友去「探险」睇蟾蜍。
杜德伟晚上带小朋友去「探险」睇蟾蜍。

虽然玩咗成晚AJ都嗌晒攰,但第二朝瞓醒又精力充沛再玩过,他们除了在野外用餐外,更有机会体验「游牧民族」生活,杜氏一家朝早便被好多羊咩咩包围,不过AJ似乎有啲惊,相中的他一直匿喺一个哥哥身后偷望,唔少网民睇见都大赞好得意!

众人仲好大胆围住棵树研究壁虎、蜘蛛。
众人仲好大胆围住棵树研究壁虎、蜘蛛。
AJ玩到嗌攰!
AJ玩到嗌攰!

杜德伟一家与友人一早起身野外用餐。
杜德伟一家与友人一早起身野外用餐。
被羊咩包围的AJ有啲惊。
被羊咩包围的AJ有啲惊。
AJ仲匿喺哥哥身后偷望羊咩。
AJ仲匿喺哥哥身后偷望羊咩。

最新回应

關鍵字

相關新聞

热门文章