【同医护开心合照】大拇指不举 萧敬腾入院做手术

以往经常因打波受伤嘅萧敬腾又濑嘢了，上个月佢出席活动时就透露因为过度用力弹奏乐器而令到左手大拇指不举。佢话除咗固定录影工作外多数留在家中，每日花4至5个小时弹结他同钢琴，本月2月突然发现左手大拇指抬唔起，确定罹患狭窄性肌腱滑膜炎（又称为妈妈手），当时先以物理治疗方式治理，如状况没好转就要接受微创手术。

估计物理治疗帮唔到手，所以老萧今日就去咗做手术，佢喺ig发文话手术非常顺利，仲多谢一众医护人员，「很开心妈妈手让我们相遇，再次谢谢大家的照顾，辛苦了！」见佢跟医护人员逐个合照，对于大拇指可以再次举起，老萧真系好兴奋。