【美妆达人】爆汗都咁靓靠一样法宝　郑秀文公开眼线不溶之谜

走在潮流尖啄的郑秀文（Sammi）真系好贪靓，有时喺屋企做运动都要化个全妆！见她次次Gym后香汗淋漓，就算成面滴晒汗个妆都唔花，唔少丝打都很好奇这位天后Keep住妆容的方法，今日Sammi就拍片公开画出持久眼线的心得，并留言：「女士们，关于眼缐。做运动爆汗时用甚么眼缐最耐用？用甚么画眼缐最好，其实每个人都不一様…… #眼缐膏 #建议可以试用一枝已经没有墨的眼缐笔去画眼缐」

片中，Sammi自爆都系用一般的眼线膏，而秘诀在于使用一支旧眼线笔，她说：「我觉得一般画眼线嘅Brush有毛，软吓软吓又松吓松吓，我自己觉得好难控制，所以我画眼线嘅时候，除咗一盒眼线膏，我仲会用一支已经冇用嘅眼线笔，即系墨汁已经乾晒，咁你就抹一抹个头，然后用呢支笔代替支Brush，咁我就觉得比较容易控制，至于会唔会因为用咗呢支笔，令到我嘅眼线咁持久，爆晒汗都唔滴落嚟，咁呢个都系一个谜嚟，我都唔知真实系咪有咁嘅作用，哈哈！」虽然Sammi都笑话唔知有冇持久作用，但一众网民都留言话会试下，仲建议她考虑做「美妆KOL」，多啲教大家化妆！