【头条独家】霉足四年终于有运行 冯允谦好想写歌畀Sammi

2020-03-24 19:35
冯允谦承诺唔会自满,因为一切得来不易,只会心存感恩,亦相当感激郑秀文和老板林建岳的鼓励。
冯允谦承诺唔会自满,因为一切得来不易,只会心存感恩,亦相当感激郑秀文和老板林建岳的鼓励。

两年前转投东亚唱片嘅冯允谦(Jay)双喜临门,除推出新碟《Detour》外,年初仲勇夺十大中文金曲的「CASH最佳创作歌手奬」。霉咗近4年,Jay对于绝地反弹觉得好梦幻:「呢只专辑足足等咗3年零8个月,等到有啲心灰意冷,好彩雨过天青,𠵱家仲得到Sammi鼓励,信心慢慢返嚟,心情劲兴奋。」采访:方骞平 发型:Tim [email protected] 化妆:Maggie Lee 服装:ithk 场地:重庆刘一手火锅

经理人林珊珊当他好似囝囝,照顾周到。
经理人林珊珊当他好似囝囝,照顾周到。
为影新碟靓相,Jay要不停跳弹床。
为影新碟靓相,Jay要不停跳弹床。

新碟《Detour》主题为「旅程」,Jay之前曾经历过一段事业低潮期,零工作兼零收入,个人变得好颓,冇晒人生目标:「当时觉得唔知仲会唔会有唱片公司签我呢?日日唔知为乜咁做创作同健身keep住状态,庆幸喺低潮时学会编曲,去旅行散心时又创作咗40几首歌,其中5首收录喺专辑入面,总算冇白费心机。」Jay坦言见到张实体碟好感动,「尤其有陈咏谦做音乐总监,王菀之有份作曲,仲有好好嘅宣传团队,同埋好似屋企人咁锡我嘅经理人林珊珊及老板林建岳,每首歌都做得好好。」

曾同王祖蓝、泳儿、张致恒共事英皇唱片公司。
曾同王祖蓝、泳儿、张致恒共事英皇唱片公司。
胡鸿钧、吴业坤、谢东闵都系当年战友,𠵱家各有唔错发展。
胡鸿钧、吴业坤、谢东闵都系当年战友,𠵱家各有唔错发展。

赞好Sammi
之前Jay出席公司饭局,同场有老板及郑秀文等,提到Sammi,Jay赞不绝口,「Sammi好关心新一辈歌手,因为我有啲歌唔大路,于是问吓佢意见,佢叫我做返自已version,自然会吸纳返知音。难得有机会同Sammi倾偈,感觉好似发紧梦咁,尤其哥哥系佢Fans。我梗系有送碟畀佢啦,希望佢会听,如果将来有机会度身订造首好歌畀佢更good,好想写只快版情歌畀佢,因为佢跳舞好好睇。」

闲时Jay会行山keep fit加练气。
闲时Jay会行山keep fit加练气。

最新回应

關鍵字

相關新聞

热门文章