星岛日报

【头条独家】停课闷到癫 孙慧雪狂买玩具书氹仔 陈豪陈茵媺带三宝贝游车河放电

2020-03-01 22:22
教育局宣布全港学校延长停课,一众星B们闷到发慌,陈豪夫妇与孙慧雪夫妇就分别想法让子女放电。
教育局宣布全港学校延长停课,一众星B们闷到发慌,陈豪夫妇与孙慧雪夫妇就分别想法让子女放电。

至今,本港新冠肺炎确诊个案累计接近100宗,教育局宣布全港学校再延长停课,最早于下月20日复课,搞到一众学生哥日日「闭关」喺屋企,闷到发慌!家长们唯有绞尽脑汁,为小朋友安排活动放吓电,上周三(26日)陈豪夫妇就带埋3名宝贝子女去铜锣湾,不过为了保护他们,得妈咪陈茵媺(Aimee)可以落车行街街,其馀4人就坐喺车厢中睇电视、风景!同一日,「紧张大师」孙慧雪(阿雪)则撇低囝囝,戴齐口罩、护目镜和帽出动,为宝贝仔添置大量玩具、图书解闷。呢期做父母认真唔容易呀!。采访:梁志明

上周三,陈豪带三名子女出去「游车河」,小朋友全程冇落车。
上周三,陈豪带三名子女出去「游车河」,小朋友全程冇落车。
同日下午,孙慧雪与老公Edwin落铜锣湾买书畀囝囝睇。
同日下午,孙慧雪与老公Edwin落铜锣湾买书畀囝囝睇。

新冠肺炎疫情严峻,令不少家长为保护子女健康,都避免带他们到闹市,以防中招!好似靓妈陈茵媺就索性带小朋友远离市区,到郊外行山、玩沙亲亲大自然,而上周三下午3时许,陈氏一家五口又出动,呢次却难得在铜锣湾糖街附近出现。当日,戴上黑口罩及帽的陈豪站在街头,为车厢中的3岁细女Camilla绑安全带,其间囡囡手舞足蹈同爸爸不停讲,大仔Aiden和二仔Nathan则在后座坐唔定,缠来缠去,由于3个宝贝仔女都好安全地Stay喺7人座驾里面,所以一律冇戴口罩。

困车等妈咪
拧转面见到记者时,陈豪都好Nice地向镜头打招呼,随即上车消毒双手,未知是否听到小朋友们嗌闷,冇耐他又从副驾驶座转至后面坐,同子女一齐睇电视。车辆停泊路边足足20分钟,原来系等紧妈咪返嚟,见Aimee挽住个桃红色纸袋,唔知系咪买礼物畀3个小朋友解闷呢?之后一家五口便开车返屋企。另边厢,早前担心到喺Instagram放负的孙慧雪表示:「𠵱家只要小朋友有乜头晕身㷫都会吓餐死!」为了保护两岁多的儿子Riley,她更足不出户多天,但见囝囝困了成个月,已经将个厅整到七国咁乱,仲闷到开始扮贞子、玩胶箱同跳现代舞,结果上周终于冲破心理关口,跟老公罗天彦(Edwin)杀落皇室堡买嘢氹Riley。

畀完钱一出门,孙慧雪夫妇就企埋一边拎收据出嚟对数!
畀完钱一出门,孙慧雪夫妇就企埋一边拎收据出嚟对数!
孙慧雪同老公一上车就用搓手液消毒双手。
孙慧雪同老公一上车就用搓手液消毒双手。

撇仔买图书
当日于BOOK BUDDY课金后,阿雪乌低身喺地上的大胶袋内起势摷,其间仲递了几本儿童玩具书畀老公拎,相信袋中的战利品全部属于宝贝仔。为了满足劲量级「电王」Riley,除了买图书,原来他们仲去埋玩具反斗城扫玩具,夫妇俩执好个大袋便企出门口Check收据,见张单长到咁,阿仔今次发达啦!离开时,两公婆一登上车即狂捽消毒搓手液,防疫意识超强!事后,阿雪亦于Ig留言:「嗯……我唔带你(囝囝)出街……系啱㗎!」无他的,皆因其上载的短片中,Riley居然无啦啦狂舔家中架车仔,认真污糟!

其间陈豪坐去后座陪仔女睇电视,大家仲睇到哈哈大笑!
其间陈豪坐去后座陪仔女睇电视,大家仲睇到哈哈大笑!
妈咪陈茵媺终于买完嘢返嚟,见到记者仲Nice爆挥手!
妈咪陈茵媺终于买完嘢返嚟,见到记者仲Nice爆挥手!
陈豪夫妇上车后,一家五口便归家去。
陈豪夫妇上车后,一家五口便归家去。
为了「避炎」,陈茵媺早前带3名子女到劲少人的沙滩玩。
为了「避炎」,陈茵媺早前带3名子女到劲少人的沙滩玩。
有仔万事足的孙慧雪经常于社交网分享凑仔乐事。
有仔万事足的孙慧雪经常于社交网分享凑仔乐事。
停课期间周围唔去得,众「星B」唯有在家中搵嘢玩自娱一番,陈茵媺3个仔女就帮妈咪手整蛋糕。
停课期间周围唔去得,众「星B」唯有在家中搵嘢玩自娱一番,陈茵媺3个仔女就帮妈咪手整蛋糕。
孙慧雪囝囝Riley则闷到舔车仔。
孙慧雪囝囝Riley则闷到舔车仔。

最新回应

關鍵字

相關新聞

热门文章