工人姐姐突然辞职 孙慧雪收追债电话兼恐吓信
2019-11-22 15:30 
孙慧雪（阿雪）16年与有米圈外男友Edwin结婚，翌年8月诞下儿子Riley。升呢做妈咪嘅佢，既要工作，又要凑仔，唯有请外佣帮吓手，至现时囝囝已两岁几。昨凌晨她忽然在fb上载一封财务公司的追债信，并贴文解释：「我工人姐姐突然请辞，话要返乡下，我想请佢帮多几日手都唔肯，喺佢一走咗之后，追债电话就打嚟，又收恐吓信，即刻明晒点解对佢咁好都要走，我之前仲猛咁谂，系咪辛苦咗佢！」
跟住她透露工人姐姐之前话有困难，已借了笔钱给她解决。她续留言：「唉！佢明知我哋屋企有小朋友都咁样，真系好过份～可以点解决？」她更自嘲人善被人欺，时常都遇到这种事。由于工人姐姐突然请辞，她根本嚟唔切请第二个顶替，这星期惟有亲自照顾囝囝，难得她觉得自己凑番又几好喎！
關鍵字
最新回应