【头条独家】贵妇帮衬铺头仔诸葛紫岐原来都几贴地

2019-11-21 23:10

36岁嘅诸葛紫岐（Marie）今年4月喺加拿大秘密生仔，佗B要佗足十个月，但由佢陀到生都无人知，保密功夫劲过啲政要，所以有网民怀疑佢搵代母生仔，当事人带笑回应话好开心有人咁讲，证明佢身材保持得好好喎，Well。采访:梁志明

日前晚上6点，一身OL Look嘅Marie约朋友喺铜锣湾利园三期饮咖啡，从Marie嘅肢体动作可见，佢哋应该倾紧公事，Marie表情好严肃，无乜笑容，倾足45分钟就离开，沿途仲系咁讲语音讯息。

贵妇熟客
Marie同朋友去咗附近嘅发型用品店，虽然Marie一身靓嘢，但估唔到佢都会帮衬铺头仔买嘢，见佢入咗去就直接行去护发用品位置，唔使人介绍，又无话睇好耐，一去即拎货去畀钱，睇嚟应该系熟客，知晒摆法。朋友陪完佢买嘢，佢又陪返朋友去买利是封，买完再一齐行去时代广场再上写字楼。