【头条独家】被秋和政点名合唱情歌 罗启聪赞韩妹温柔胜港女

罗启聪(狗毛)去年以歌手身份参加ViuTV《全民造星》时廿强止步，亦无缘入选男团MIRROR。曾经唔开心嘅佢凭住音乐才华签约大名娱乐更受力捧，甚至被韩国女星秋和政点名要跟他合唱国语情歌《原来真的爱上了》。受宠若惊的狗毛坦承做音乐好多时一个人，好孤单，同秋和政合作可带走忧郁，因为首歌好有爱。采访：方骞平 发型：Mandy Hui@haircreator (on Kis) 化妆：Suri Cheung (on Kis) 场地：areabyzerve

今年7月，秋和政机缘巧合下睇咗罗启聪演唱会，觉得他声线好好、弹结他又叻，因而提出将自己喺两年前创作的情歌跟他合唱，两人更会在香港、韩国及台湾三地宣传新歌，和政大赞狗毛好勤力，合作得好有火花。至于系咪爱火花时，狗毛笑说：「老实讲每次投入音乐时，瞹眛感觉更加强烈，音乐好神奇，可以将唔同文化嘅人拉埋一齐，我都好欣赏有才华嘅女仔，而且单身咗咁多年，有机会喺工作上搵到爱嘅感觉好开心，佢喺我第一个韩国歌手朋友，好珍惜呢个关系。」

唔敢提旧爱许靖韵
当追问到和政好还是前度「小背心」许靖韵好呢？罗启聪即哗然说：「我唔敢乱讲嘢，你玩我啫，真系好行货咁话各有各好，因为系唔同文化嘅人，而且我唔会望返转头，我𠵱家拣佢(秋和政)…一齐做歌。」狗毛认为韩妹够细心温柔，港女就够率直，其实狗毛未同过韩妹拍拖，试吓无妨吖。