【头条独家】收偶像周慧敏祝福短讯 黄心美只望心颖健康快乐

黄心美及陈思铭（Samuel）主持香港开电视节目《男士堂》，节目讲到男性的嗜好和收藏。黄心美自言最珍贵的收藏来自小时候的几千张明星闪咭，其中以超级偶像周慧敏（Vivian）及黎明最多。她自爆：「最开心近日收到Vivian传来短讯，佢话：『我会为你同你屋企人祈祷，希望可以弥补到伤痛。』虽然帮得唔多，但呢个短讯令心灵暖咗一吓。」     采访：方骞平 发型：Cedric Tsang @ Nova Hair Nail 化妆：Dera Tse & Kinki Wong 场地：Barry@relaxdearhk(cubus28)

偶像周慧敏的祝福成为黄心美「心灵鸡汤」，她感激说：「其实我同周慧敏唔熟，但佢有睇过《全民造星I》对我都好关注，佢好好人。」不过，心美笑言只系自私收藏讯息，没有转畀家人分享。心美视周姑娘系女神，当年只著迷Vivian及黎明，之前喺工作场合遇过黎天王有合照过。细个收埋大量闪咭，至今宝物还存放在温哥华老家唔舍得掉：「呢啲唔系扭㗎，因为屋企附近有间文具店，自从识咗个老板之后索性逐张买。」

提到胞妹黄心颖状况，心美说：「佢情绪都系咁up and down啦，𠵱家努力生活罗，由佢自己决定去向，佢都咁大个人，家姐唔可以畀任何意见，将自己认为啱嘅嘢投射喺佢身上，逼佢咁做，只要佢开心、健康就够。（提醒佢日后要拣啱对象？）呢方面更加唔需要提醒，咁大个人行乜路系要自己承担。」另外，唐诗咏绯闻男友陈思铭喺3年前曾经用4万元买了一只古董表，𠵱家只表升价至12万。问到是否证明拣手表和拣女友同样眼光独到？他怕丑地笑说：「都OK嘅，我有要求，要心地好人品好，冇内涵唔拣。(唐诗咏呢？)全港电视观众都锺意佢，包括自己，系真粉丝，都好欣赏佢嘅。」