拍剧与张慧仪打得火热　邵仲衡笑言对方裁倒在自己手上

邵仲衡在ViuTV剧集《假设性无罪》饰演一位新加坡艺术公司老板，与张慧仪打得火热，谱出感情线。

邵仲衡透露会与张慧仪揽揽锡锡，更笑言对方风华绝代，偏偏裁倒在自己手上：「亲热镜头其实都系电视尺度，点到即止啦！如果对手唔系慧仪，我估吸引力一定会跌好多！埋位前我都同慧仪倾过，原来我哋喺TVB时代缘悭一面，我啱啱走，佢先啱啱加入！」

剧集有不少意识及视觉大胆的场口，慧仪表示会邀请爱儿Hanson一齐观看剧集，藉此跟儿子进行性教育：「觉得唔需要避吖！系个好好嘅时机同佢进行性教育，毕竟佢都15、16岁，睇我嘅戏时可以自然咁分析佢听！」慧仪更大爆儿子怕丑，「母子上阵」一同拍剧无望：「间唔中拍下玩下就可以！我试过问佢，佢好似冇咩兴趣，又有啲怕丑！」