黄贯中隔7年再出新歌： 感觉好似已经20年

黄贯中（Paul）已有一段长时间没有新歌，最近终于再有新作《何车AHEM》，新歌由Paul一手包办曲词，MV更是以电影拍摄方式制作，还找来泰迪罗宾帮手。

Paul表示：「除咗要多谢呢班团队，仲要多谢泰迪罗宾先生，因为佢真系帮咗我好大忙，佢除咗懂得电影，最紧要仲识得音乐，我唔使讲咁多嘢，佢已经明白我想表达咩嘢，除咗内容，甚至音乐上想表达咩嘢佢都知道，好开心、好满意。」

提到他已多年没有推出新歌，Paul则笑谓：「唔记得喇，所有超过5年嘅事情我都会唔记得，咁即系最少超过5年。我记得上次推出新歌时囡囡啱啱出世。有冇3年？上次推出新歌到而家，至少有2、3年，不过感觉好似已经20年，可能因为一向都比较多产，多年来一直有出新歌，忽然2、3年冇做，感觉就好似过咗10年咁样！」而事实上Paul的女儿黄莺是在2012年10月出生，故Paul已差不多7年没有出新歌。

Paul花了几天时间拍今次MV，拍摄地点包括中环码头、屋邨等，其中一晚在中环拍摄更刚好撞正Paul的正日生日，大家便为他送上蛋糕，令他十分惊喜。

而近年他一直跟叶世荣在内地举行演唱会，稍后亦会去不同地方演出，问到有没有打算在红馆开骚？「我冇所谓，嚟咪嚟罗，反正都一直on the road。当然有时个心会好唔舒服嘅，早前喺佛山玩得好开心，但都好希望可以同样喺香港玩得咁开心。我觉得一定要喺香港举行，又唔一定要喺红馆嘅，总之必须要喺香港举行一次嘅。」