郭子豪与旧爱再见亦是朋友 希望重新出发

早前涉醉驾上庭，并与港姐亚军邓卓殷（Amber）传出恋情的郭子豪，到将军澳电视城参与节目《公益金万众同心50年》直播，他将与两位艺员挑战引体上升50次，提到绯闻女友Amber否认交往，更指彼此是教友，亦不介意影合照，子豪表示：「照佢讲的情况，早前我家庭、宠物同埋私生活都出现问题，种种原因佢带领我接受神的帮助，走出阴影，佢有一定的功劳。（有机会再进一步吗？）冇谂，现在重新出发，工作为先，加上单案未判，仲有变数。」

提到子豪前女友Karen在在社交网指有人讲大话，子豪澄清说：「我哋系年头分手，到上庭前一晚先见佢，佢都担心个裁决，大家好似一家人，会为面临裁决的家人担心，当晚我系拍完《娱乐大家》后去到佢楼下，停留了个多小时，一直在车上。（系咪你畀咗错误讯息对方误会想复合？）绝对冇，佢都同我讲佢有追求者，我哋最后都有一个打气的拥抱道别。（分手时唔汤唔水？）好清晰，我睇返新闻都跟拍我十几日，若果有嘢唔会影到咁少。大家关系好似家人，好感恩，原本系一个好Warm的结束，再见亦是朋友，唔想大家的最后一页唔开心，希望大家畀多啲空间佢同佢家人。」

问可有沟通Karen为何写下那一段话？子豪说：「佢冇谂咁多，佢只系宣发个人情感，冇谂过一段话会影响我声誉、甚至我的裁决，唔好怪佢，希望大家用圈外人价值观睇佢，唔好畀报道描黑咗。（你咁讲唔怕新欢唔开心？）唔系新欢，系教友，佢嘅扶持令我好舒服、非常感恩。（裁决咗先可以公布？）冇谂咁多，工作为先，重新出发。」提到神的儿女不可以讲大话，子豪似回避问题，并说：「我都有考虑搵一间教堂受洗。」