巩俐嫁法国作曲家 黄秋生忆二人80年代「渊源」

53岁巩俐被爆再婚70岁法国著名作曲家Jean-Michel Jarre后，黄秋生于脸书回忆原来二人早于80年代，因为秋生的关系已有著「渊源」，但其实又与他俩没直接关系…实在太玄了！
秋生留言：「（有段故）佢哋同我冇关，不过佢两个同我一个旅程有关。好耐之前演艺学生（我当时仲系学生）去北京交流时巩小姐嚟接机，（佢仲系学生，而且系高材生）。我哋班男生睇到眼凸。佢鬼火咁靓。不过可惜只安排招代老师，晚会时只同老师跳舞。（当时好单纯，好正经嘅世界。）八十年代内地仲未有K末有Disco，我带咗佢呢个老公嘅录音带上去，当时住旧紫玉饭店，夜晚似住飞鹅山，乜都冇。不过有一间房，有一部录音机，有彩灯（彩色灯胆）。同一个看场阿叔。我哋成班同学夜晚冇嘢做就去嗰间房开party，放阿法国电子乐大师嘅音乐。唔够十分钟。音乐停咗。阿叔停机，我问佢乜事。佢一脸惊恐咁同我讲，呢啲唔准放，我问点解？佢重覆话唔准放。于是我哋冇瘾收皮，返房讲鬼故。当年一个重点培育，一个唔准放。而家走埋一齐。我觉得人生好神奇。」