专访｜林郑靠三大力量：「我挺过去了」

（星岛日报报道）林郑月娥在二〇一七年当选特首，二〇一九年发生修例风波，现在到了任期尾声，被问及过去五年最满意的政策及感受，她直言，「我无乜最满意嘅政策，我总之每一日我都系做新嘅政策。感受咪就系大起大落罗。」她着记者翻阅她任内最后一份《施政报告》中最后一章的感言，当中提到出任特首是她公务生涯内最大的荣誉，也是她人生中最大的挑战。她说，「用内地官员嘅术语呢……就系话...我挺过咗去喇。依家内地官员成日见到我都话，『特首，你挺过去了』，真系……挺过去了。」

对于二〇一九年，林郑月娥不讳言当时「有几困难你应该知」，「能够喺咁艰难、前所未有、严峻嘅挑战之下，挺过去呢……系靠三样嘢」，首先是中央支持，「中央呢番说话就系：我哋永远都系你嘅坚强后盾，你唔使惊」；第二是她曾应承香港市民，一七年七月一日她宣誓就任，致辞曾引述《同舟之情》歌词，「只要见到我喺你嘅身旁，我一直为你护航……呢个系对市民嘅承诺。我系好信守承诺嘅人。」

她身为两子之母，家人的支持兼信任当然不可少，「当时二〇一九年下半年咁嘅环境，一般血气方刚嘅人，佢唔知头唔知路，佢可能都会怀疑阿妈，你系咪啱㗎……你做啲嘢。但嗰种系无限嘅信任，同埋默默嘅支持……咁所以呢三大嘅力量，就系撑住我，挺过去喇。」

那当时曾否觉得自己挺不下去呢？她说「唔记得了」，最艰难时「我日日都返工」；能否安睡？「瞓到觉，系因为当你问心无愧嘅时候就瞓到觉。」至于任内有否憾事？如果可重头来过如何去做会更加好呢？她说不想回答，「因为我系一个老实人，我唔可以乱答你。」

林郑月娥说，她挺过去之后「唔系自己好安乐咁坐喺到」，而是替香港做事，「我对香港依家系充满信心。我从来无觉得香港系可以咁好嘅，依家我觉得香港可以系好好嘅。所以希望香港市民呢……即系无论对我个人有咩睇法，但希望佢认为呢本施政报告……系畀到佢有希望，畀到佢有信心香港系会愈嚟愈好嘅。」

由发展局局长到特首，林郑月娥曾推动不少发展大计，保育中环、「起动九龙东」、明日大屿等，现在又提出北部都会区蓝图，她直言，「我系好锺意由无到有嘅人，有啲嘢无，你可以做到佢有。」

她举保育中环为例，「无提就系无，系咪？中环街市可能无咗，警察宿舍可能无咗，政府总部(旧址下亚厘毕道)可能拆咗，保育中环我哋做到，依家差一个项目系私人项目，唔关我事，圣公会嗰个，佢搞嚟搞去都搞唔到，我都帮紧佢，咁完整嘅保育中环就出现系眼前。」「起动九龙东」就令旧式工业区变身核心商业区，「二百九十万平方米嘅商业大厦（面积），系透过工厦活化，或工厦重建，或用新方式卖地，仲有一百万（平方米）起紧。」对未来的「跃动港岛南」，更寄予厚望。她强调要用有规划、有前瞻性、可推动的方法去做，「你要同事睇得到有远景有蓝图佢先跟得到。」

她透露一早已有北部都会区的念头，但过去受到本港政治局面所限，「一个广深港高铁香港段，真系打交咁、拉布，甚至社会上如果当时动员得到，可能系另一场社会动乱早过二〇一九年下半年出现咗，当日起高铁攞拨款时都系打交。」直至中央出手，「睇到《香港国安法》落实，稳阵喇，睇到完善选举制度，真系唔同喇」，「如果任何政府都唔系用一个更加积极态度去做，我觉得系辜负咗呢两大措施。」

五年眨眼就过，下届特首选举快将举行，林郑月娥对去向守口如瓶，「你再问都唔答」，她会考虑哪些因素？「唔答，所有都唔答。」