維港會：搭的士落飛鵝山車頂坐5人？ 驚嚇網民「真係有結界」

夜深深心惶惶？網上流傳照片及片段，有飛鵝山的士下山時車頂竟坐着5個人，「真係太過份，痴（黐）線！」但網民則指，大家見到幻覺「你確定系（係）人？」笑指對方入了結界。

網民Irene Looi昨晚7時許 在「馬路的事」分享了數張照片及兩段短片，可見的士的車頂上坐了數名男子，並不停地揮手大叫，情緒高漲。
不少網民與Irene一樣同感驚訝，直指的士司機不應該同意此事「的士司機比（被）挾持住嗎？」「司機要面對俾5條high晒嘅南亞漢打嘅危機」，「如果的士司機唔肯開車，分分鐘會被佢地打。」

而網民更直指自己曾經在飛鵝山上遇過，「我早兩星期都見識過，兩個南亞少年坐的士車頂，一上到飛鵝山放低班人落車（無超載）」，當時的士司機已經向他們表示想走，但卻遭少年們留下，「最後的士佬都冇計，冇得走焗等。」