谷胸開工禁老公探班 李思欣：驚佢鬧

李思欣拍攝廣告，身穿透視晚裝谷胸上陣的她騷性感，冧莊第2年成為品牌代言人，她笑指酬勞有加少少，今次拍攝造型分別有比堅尼及晚裝等，身上的白色低胸裙較為有視覺效果，更笑謂驚被老公范振鋒鬧。她說：「原本老公話嚟探班，我都係叫佢唔好嚟啦！佢平時唔畀我太性感，但上次拍廣告都OK。」

李思欣稱老公不批准她穿泳裝開工時有傳媒探班，不過老公會為她影靚相，專登影到不見樣，她跟老公去沙灘則不會著三點式。問到服裝可需老公過目？她謂：「試過同佢一齊出席活動，叫我即刻換過條裙，有時覺得場合不適合就話換咗佢啦，如果唔係同佢一齊就可以走盞多啲。（遷就老公？）我幾就人㗎！結咗婚要尊重另一半，但佢幾錫我嘅。」