【盧凱彤墮斃】小肥今朝仲約飲嘢 卓韻芝感難過

盧凱彤（Ellen）今早9時50分被發現在跑馬地豪宅墮下，傷重死亡，終年32歲。她昨日開工與卓韻芝、郭偉亮、小肥等人錄影節目《全民造星》，小肥今早在臉書先以黑畫面寫上「認錯人認錯人認錯人！係假嘅係假嘅係假嘅！」，拒接受Ellen離世事實；之後再留言：「我復原能力再快，都接受唔到接二連三嘅打擊，我真係頂唔到……」。他稱昨日沒發覺Ellen有異樣，更在今早8時左右與Ellen在WhatsApp聯絡，相約飲嘢，驚聞噩耗的他表示心情相當難過；至於Ellen的WhatsApp最後上線時間，是今早9時45分。

卓韻芝在社交平台貼出電話行事曆Cap圖，痛心地透露Ellen昨晚約她明晚見面飲嘢，「你尋（噚）晚約左（咗）我乜嘢今朝又同我講乜嘢？Ellen Low你覺得我應該點做？係咪想我delete event？我唔識真係唔識。出走唔係你嘅意思，係一啲幻像令你誤會左（咗）一啲嘢，It's the illusion push you down. 係咪咁？飲嘢再傾」。