維港會：港鐵推新海誠風格宣傳片 網民唔buy出惡搞版

日本動畫導演新海誠製作的《你的名字》，在香港亦掀起熱潮。港鐵最近在社交平台推出新海誠風格的宣傳片，惟一眾網民並不受落，瘋狂留言洗版批評宣傳片不夠寫實，更有網民將原片配上其他字幕「惡搞」諷刺港鐵。
片中的男女主角在乘搭港鐵時多次遇見，最後因為廣播「請行入車廂」背撞背的一句「唔好意思」而認識。網民則批評宣傳片不夠「貼地」，斥車廂從未有空間、或不需要排隊的情況就能夠上車，「如果再畫埋佢哋因訊號故障而一齊苦等，齊齊冇得落車，製造一個可以互相了解嘅環境，咁就可以踏出第一步喇。」

有網民更推出惡搞版，將宣傳片配上新字幕，包括「車費加幾多，我哋都日日搭」，「投訴咩喎，又起身返工啦」等，由昨日上傳至今早已經有過10萬次瀏覽，直迫港鐵的原片18萬次瀏覽。有人笑言「呢個好睇過原版喎」，但擔心二次創作或會被告。
不過也有人認為，今次港鐵的宣傳片做得十分精緻，「用廣告商立場睇，這次仿新海誠係做得幾成功，抄得幾好嘅嘗試.......」，「我幾鐘意老老實實。」