晒床照賀賴慰玲牛一 蔡思貝感性留言：冇你我生存唔到！

昨天是藝人賴慰玲(Winki)32歲生日，上年她就於自己生日當天宣布懷孕。一年之後，Winki已經升呢做人妻及靚媽了，而她的閨蜜蔡思貝就趁住好姊妹生日，在社交網上載多張二人的合照，祝對方生日快樂！相中見她們一齊買餸食飯，更在床上大玩自拍！蔡思貝好感性咁留言話：「我哋一齊去旅行、一齊去青春食杯面(麵)、一齊搬屋、一齊食好嘢、一齊去做師奶買餸！一齊笑笑哭哭，一齊經歷，I love you!!多謝你同我過嘅每一秒，without you I won't survive(冇你我生存唔到)我祝你家庭幸福快樂，有好美滿嘅事業，保持你獨特吸引嘅個性！」看到蔡思貝的留言後，Winki回應：「你條友仔⋯多謝！」字裡行間已感受到她們的感情有幾咁好。