【氣象冷知識】姜小姐大戰蔡先生：30℃唔出酷熱警告想熱死人？

天文台「氣象冷知識」又來料，繼馬仔與台長擦出黃雨火花後，最新一集姜小姐出場大戰天文台蔡先生，「投訴30度都唔出酷熱警告，想熱死人咩。」

新片名叫「《全城Complain熱辣辣》feat. 鄭子誠、福頭老師」，再度出場，姜太公個姜的姜小姐今次金句連連，巧遇放假正在聽歌的蔡先生，當面連番投訴「香港濕熱世界第一，未到33度都熱死啦！」、「33，方塊酥呀？」。

天文台在社交網站facebook發帖指，「古語有云：無化妝，出街一定會遇到前度；對於串嘴蔡生，無返工，依然會聽到姜小姐嘅投訴。

冤家路窄，佢地終於打破電話嘅一道牆，係現實世界hole hole地討論一次——點解夏日熱辣辣，天文台都唔較低幾度，仲有，幾時先出酷熱天氣警告？

特別鳴謝：音樂情人鄭子誠友情聲演、福頭老師忘我演唱 」

帖文今次#hashtag「#酷熱天氣警告 #今次真係要開聲睇 #音樂情人把聲真係不得了 #元祖DeathMetal版熱辣辣 #好感受到果種熱力 #耳朵懷孕鳥 #姜小姐出沒注意 #氣象冷知識」