2旅客拖喼闖屯門公路 險象橫生巴士閃避

行路出九龍？屯門公路中午有2名懷疑是旅客的女子，中午拖住行李喼沿住公路慢綫行走，險象橫生。有網民見狀，批評2人的行為害人害己等同自殺。

有多名網民上載照片及影片，見到2名女子在屯門公路出九龍方向近新墟對開徒步行走。由於現場正進行隔音屏障工程，路肩位置放置了水馬，路面收窄令2人需要行出慢綫，而且背對後方來車、我行我素。發相網民稱，「有咩驅使你30幾度喺條公路推住個大喼？係愛？係責任心？係水貨客，係自由行，係自殺呀」。

有網民批評，「呢條路已經窄」，「巴士已經唔夠過」，「就係見到巴士有古怪打燈出完又入」。但也有人感奇怪，稱見到2人是向元朗方向行走，「咦，頭先佢2個係向返紅橋行嫁喎」。

有網民就估計，2人可能「行錯路、唔識路」，「應該係睇地圖出事，之前係屯公華都出口已經見過有咁嘅情況」。有人更斥責行為，「喺嫌命長呀」。

根據《道路交通（快速公路）規例》，除另有規定外，任何人除非身在汽車之內或之上，否則不得進入、使用快速公路或在其上停留。首次被定罪者，可被罰款5,000元及監禁3個月，再犯者可被判罰款10,000元及監禁6個月。