【前世情人好down】鍾鎮濤同囡囡合唱 呻「就嚟錫第二個」

鍾鎮濤（阿B）與女兒鍾懿、吳若希（jinny）、JW（王灝兒）等為慈善節目《明愛暖萬心》演出。對於跟女兒鍾懿合唱兩首英文歌，阿B笑言女兒一向唱自己喜歡的歌，但今次上節目就一起選擇歌曲去獻唱，又指女兒反應好快，有時他在房內唱一句，女兒在房外已接住唱，不過本身沒有教導女兒。他說：「她好開心今次唱到自己的水準，最擔心期間要講廣東話講唔到，因為怕轉唔切由英文講廣東話，所以她要練多啲。」
談到父親節，鍾懿笑言會送驚喜畀爸爸，阿B則謂會吃飯慶祝，但有待家人安排，又指女兒經常會煮早餐或蛋糕給他品嘗，更笑謂吃得落亦幾好味。問到現時可會被女兒錫？他說：「依家就黎錫第二個。（女兒拍拖？）唔需要，她依家13歲唔需要，呢個年紀唔知咁多野。」