元朗小店免費借遮 自助形式獲激讚

天文台今日一度發出黃色暴雨警告信號，北區和元朗是今次暴雨的重災區。其中元朗有一間食店放置數把雨傘，並貼上「有傘借！」字條，將雨傘免費借用給有需要人士，獲網民激讚。

圖片上載於Facebook專頁「食在元朗」，見到一間食店門外，枱上放置了數把縮骨遮，更有一張「有傘借，隨便拎，用完記得還」的字張。上載圖片的網民指，香港人有良心，「落雨天呢間食肆免費借傘俾有需要人士，仲係自己拎唔洗問」。

網民都大讚食店有人情味，「真係超抵讚，希望唔好有人劉備借荊州，一借無回頭」、「好人有好報」、「原來世間真係有…人情味」。