【1號風球】數百飛蟻大軍湧現大埔沙田 網民：個風係咪好猛？

1號戒備信號仍然生效，南海熱帶低氣壓繼續靠近廣東西部沿岸。不過有多為網民發片，表示見到大量飛蟻闖入沙田第一城站以及其大埔寓所外，形容情況嚇人如 「世界末日」。

有網民在facebook上載片段，稱「可能有二、三百隻似係飛蟻」闖入港鐵第一城站，網民指自己「住咗係第一城差不多三十年、個站開咗十幾年都係第一次見」。他形容，自己「個口唔敢打開驚飛咗啲蟲蟲入去，有細路嚇呆咗，同埋有女乘客嚇到衝上電梯」，「好似末世電影頭三十分鐘啲凶兆」

晚上有網民在facebook群組「Tai Po 大埔 」上載片段，見到其大埔住所外有過百隻飛蟻聚集，圍繞窗外燈光飛舞。網民驚訝「世界末日咁呀！好恐怖呀！過百隻飛蟻！個風係咪會好猛料！？」。有網民無奈指，「屋企已裝蚊網，仲有大量蟲飛入」。另外有網民上載大埔中心外飛蟻圍繞路邊街燈飛舞的照片，稱「嚇到啲女士唔敢行返入商場」。

飛蟻棲息在潮濕陰暗空間中，但當氣壓低、濕度高、即將下大雨或暴風雨前夕的時候，飛蟻為離開悶熱環境，通常會在大雨前傾巢而出。專家指，要避免飛蟻入屋，除了緊關門窗或拉上窗簾阻隔光線外，亦可考慮在窗外放一盞燈，並在燈下放一盤水吸引飛蟻趨光飛入水中滅亡。