【偷窺幼稚園】 家長心慌：小朋友返學常遭吸毒漢纏繞攞錢

將軍澳健明邨街坊近日發現，一名可疑男子懷疑偷窺幼稚園幼童午睡，並向身體下部作出不雅動作，幼稚園校方已向警方備案，並向家長發出通告。

家長謝太表示，未清楚事件，但直言「真係驚，一定會驚」、「咁危險」 ，指幼稚園已呼籲家長拖實小朋友回家，又要證明是家長才會放行，「覺得學校保安好好，老師都好好」。

彭太表示，昨日已經收到通知有一個陌生男人偷窺學生午睡，「老師出去已經見唔到個陌生男人」，惟有「自己睇實個小朋友」，收到通知個個都「睇緊個小朋友」。彭太又指，「平日少見差人，久唔久先見一兩個」，又直言「依排見好多（吸毒人士），自己住個座都好多陌生人，好多道友」，「佢哋返學都成日見，有哋問佢哋攞錢，攞10蚊、20蚊，話攞去買飯盒，就唔係講話買毒品」。彭太希望警方加強巡邏，「你唔知個男人究竟做咩啊嘛」「你話唔驚就假」。

目擊者周三在facebook群組「將軍澳」貼相，指相中人「邊睇邊玩自己嘅性部位」，提醒居於調景嶺或有小朋友在區內上學的家長留意。貼文還附上最新消息，指「學校已經報咗警，亦都通知管理公司，保安亦會在幼稚園窗口外簽簿」。

警方表示， 本月17日接獲一名女子報案，指一名男子近日於將軍澳健明邨一幼稚園外徘徊，形跡可疑。經初步調查後，案件暫列作「雜項事件」，交由將軍澳警區人員跟進。警方會在相關地點附近加強巡邏，以防止罪案發生。