與基仔同病相憐 劉華:點跌都好,支持者面前是巨人

昨晚發生墮台意外的古巨基，今晚請來劉德華做嘉賓，二人合唱《獨自去偷歡》，大跳經典舞步，但明顯見到華仔跳得比基仔更放，基仔有點「就住就住」，他們走去和粉絲握手，掀全晚高潮。
華仔笑指和基仔同是天涯淪落人，「我跌完你跌，真係慘，我無事啦，我很快就開演唱會，昨日看到我都嚇一跳，以為今日我唱哂！」
基仔表示要送一個驚喜給華仔，大螢幕就播出一張合照，原來是基仔91年和訓練班同學上完堂後，在電視城偶遇華仔後影的合照，更要求和華仔再影一次一模一樣的合照，基仔又感觸地說：「華仔哥給我很多鼓勵，在我比較迷惘的時候，給我好多提議和鼓勵，我昨晚整親後第一件事係諗，聽日點呀？我一定要做，一定要見華仔哥。」
華仔則說：「我咁跌法都無事，我一跌就一年啦，你跌一日啫。無論將來點跌都好，在支持者面前，我哋都係巨人。」更叫大家要儲定錢買飛看他的演唱會，便唱出《一起走過的日子》，全場high爆。