親設計演員髮型 張家輝想三哥變優雅黑幫

張家輝、張可頤、苗僑偉（三哥）及陳慧琳（kelly）出席電影《低壓槽》首映禮時，身穿透視裝兼騷長腿的kelly，笑言夏天來臨，只是騷對鞋，但家輝見到她鞋上的羽毛，就問她為何帶狗隻來，更笑謂今晚夜浦沒有跟兒子做功課。談到可會跟家輝合作，她表示曾於《陀地驅魔人》客串演出，又認為家輝若為她度身訂造角色當然是好，但驚對方設計的角色自己不懂做，因為該片的角色個個都奸，不過自己想演奸角。

提到黎明（Leon）榮升做爸爸，她坦言未睇過B女的相片，亦不會八卦專登要求睇，但都想睇，因為BB好得意，如果遇到的話會睇。談到可會教導育兒心得，她說：「要有心裡準備會好多人影佢，之前佢講過醫院事件，其實我好明白佢當時心情，所有傳媒在大堂等侯，好似包圍成個醫院，好似抖唔到氣，但慢慢去適應。小朋友遲早要返學，保護得幾多呢？所以要調整自己心理，一日一日會接受到。」她直言學校就算沒有記者，也會有家長影相後上載社交網站，亦會被取用相片，所以要調適自己毋需不開心，又指最近自己被影到，故每次出來也會打扮得整齊。

張可頤笑言張家輝和苗僑偉曾合作，兩人也扮演過她的老公。張家輝搞笑謂：「即係老㩒啦！」問到她會揀邊個？家輝搶答謂：「睇乜嘢啦！反叛同去七仔偷嘢搵我，穩重搵三哥啦！」三哥透露戲中的男演員的髮型由張家輝設計，張家輝笑言想三哥變成優雅的黑幫。