被指扮撻著富二代 廖碧兒：拍咗幾個月拖

廖碧兒出席活動，有指其失婚富二代男友盧啟賢（Calvin）與泰籍女友Nina未分手，廖碧兒坦言男友跟Nina是朋友，男友有告知她，也相信男友，Nina跟男友的家人熟絡，希望大家不要騷擾Nina，因為對方已有自己的家庭。她又謂跟男友認識了一段時間才拍拖，相信對方至會公開戀情，又指報道刊登男友飲酒相，其實相中聚會並非最近發生的事，她也認識相中某幾位朋友。

提及男友有錢又靚仔會吸引好多女生埋身，廖碧兒說：「我都靚㗎！其實多人追，男或女都好正常。（好多男生追求？）OK的。（對男友百分百信心？）我都相信佢，佢同我講嘅嘢都信晒。」對於是否視男友為結婚對象？她笑指現時是拍拖，要給予她一些時間，暫時未談到結婚問題，「慢慢！拍咗幾個月，畀多啲時間去認識。（男友會否嫌過問太多？）無呀！大家都知我做呢行，佢都好多工作唔喺香港，大家都見少咗。」提到有人指她跟Calvin其實只是親密朋友，廖碧兒謂：「我唔知呢個人係邊個，有乜問題問返佢。（會否跟男友出來拖手影相？）唔知，睇吓機會。（男友抗拒？）唔知，你問吓佢。」